الاستهداف واضح… فهل الصمت أوضح بقلم الاعلامية ريما شرف الدين

Sky news lebanon

Sky news lebanon

الاستهداف واضح… فهل الصمت أوضح
بقلم الاعلامية ريما شرف الدين

صباح الخير متابعينا الكرام.

اليوم منفتح دردشة سريعة عن مشهد بيتكرر قدام عيوننا: توغّل إسرائيلي على القرى الأمامية بالجنوب… كفركلا ، عديسة، بليدا، بنت جبيل، وحتى عيتا شعب ومارون.

الملاحظة المؤلمة؟ إنو الاستهداف عم يتركّز على القرى اللي يسكنها أبناء الطائفة الشيعية تحديدًا. بيوت عم تنفجر، عائلات تحت الخطر، وقذيفة من يومين نزلت على بيت فيه أولاد ونساء.

السؤال المشروع: ليه هالسكوت الرسمي؟

وين الدولة؟ وين رئيس الحكومة؟

إذا هالمناطق عم تتحمّل العبء الأكبر، أقل الإيمان يتأمّن لأهلها أماكن آمنة وفرص عيش كريمة.

الناس مش أرقام.

الجنوب مش ساحة مفتوحة.

وأرواح المدنيين مش ورقة تفاوض.

هل في تفاهمات؟

ولا في تمييز غير معلن؟

ولا الجنوب متروك لقدره؟

أسئلة برسم الدولة… وبرسم ضمير كل مسؤول.