‏*`🌎Sky news lebanon

“من قلب الجنوب: كفى نفاق! الشعب عم يموت والدولة عم تتفرّج!

 

من قلب الوجع الجنوبي:
الاعلامية ريما شرف الدين

الرؤساء ما عم بيحسّوا. الوزراء ما عم بيحسّوا. النواب، القادة الأمنيين، كل المعنيين بهالبلد كأنهم عايشين بعالم تاني. الإعلام طلع وحكاها بصوت عالي: ما عم بيحسّوا!
يمكن دايرين “اذن الطرشة ”، ما بدّن يسمعوا ولا يشوفوا!

اليوم الجنوب نازف من جديد، غارتين إسرائيليتين وسقط شهداء وجرحى، ولبنان الرسمي غايب عن السمع.
إذا الدولة عاجزة، خلّي يطلع مسؤول واحد ويقولها بصراحة:
اتركوا الجنوب!
أمّنوا للناس بديل، بيت ببيروت، شغل، مدخول، حياة. بس لا تتركوهم يعيشوا كل لحظة على أعصابهم بانتظار قذيفة أو غارة أو خبر موت.

الوضع بالجنوب خطير جداً، وإذا القادة الأمنيين بعد ما بيعرفوا، فالمصيبة أكبر.
عم بيضحّوا بالشعب اللبناني، وبفئة وحدة من هالشعب، الفئة الشيعية، يلي عم تتحمّل دم، خسائر، وجع، وصمت الدولة.

كفى صمت. كفى نفاق.
الجنوب مش ساحة تصفية حسابات، الجنوب أرض ناس عم تموت كل يوم بصمت، والدولة نايمة

 

 

للإشتراك بالخبر العاجل*

‏‎‏‎*‏👇🏻Whatsapp 1👇🏼*
‏‎‏‎‏
‏‎‏https://chat.whatsapp.com/FZj833KSoCn4vWR9FWdnbF

‏‎‏‎*‏👇🏼 Whatsapp 2👇🏼*
‏‎‏‎‏
‏https://chat.whatsapp.com/Ko9VLSv03E6AMLlR1hjM9y